Sámekultuvrra vuhtiiváldi máinnastaninnovašuvdna nanne mánáid oasálašvuođa iežas kultuvrii sámegiela gáiddusoahpahusas

Hanna Helander, Pigga Keskitalo, Sirkka Sanila, Sonja Moshnikoff

Research output: Contribution to journalArticleScientificpeer-review

Abstract

Artihkkalis ovdanbuktojuvvo Mánáid sátneváldi ja doaibmivuohta (ADVOST) -dutkanfitnus
ollašuhtton pedagogalaš máinnastemiin ávkkástalli innovašuvdnadutkan sámegiela
gáiddusoahpahusas. Pedagogalaš innovašuvnna ulbmil lei nannet mánáid identitehta ja
oasálašvuođa giellaservošii nuortalašgiela gáiddusoahpahusas. Okta sámegieloahpahusa
hástalusain lea ahte oahpaheaddjit ja oahppomateriálat leat unnán. Oahpahusa ovddideamis
leage dehálaš váldit vuhtii oahpaheaddjiid beroštumiid ja givrodagaid. Dutkanmateriálat
čoahkkanit oahpaheaddjiid stimulerejuvvon muittašeapmi -metodain ollašuhtton
jearahallamiin sihke dutkama áigge čállon oktasaš beaivegirjjis. Dutkan buktá ovdan ahte
oahpaheaddjiid áššedovdamušain ávkkástalli innovašuvdnadutkamis lea guovddáš rolla go
nuppástuhttit oahpaheami ja oahppanbirrasiid dakkárin, ahte dat vuhtiiváldet sámekultuvrra.
Ovttasoahpaheaivuohta, mii buktá guovtte oahpaheaddji givrodagaid seamma oahpahusdillái,
sáhttá leat ávkin earenomáš áitatvuloš giela oahpahusas. Máinnastaninnovašuvdna nanne
mánáid oasálašvuođa gillii, kultuvrii ja servošii. Dan bokte dat nagoda vástidit diasporalaš
oahpahusdili hástalusaide ja seammás maiddái unnida oahppomateriálaváilli.
Original languageSámi
Pages (from-to)27-48
Journal Dutkansearvvi dieđalaš áigečála
Volume6
Issue number1
Publication statusPublished - 2022
MoEC publication typeA1 Journal article-refereed

Field of science

  • General and teacher education

Citation for this output