Doarjja Interreg-prošektii nannen dihte lohkanmovtta

Description

Sámediggeráđđi addá 500 000 ruvnno Sámi allaskuvlii ruhtadoarjjan davviriikkalaš ovttasbargoprošektii «Lohkanlihkku».

Dan almmuhii Sámediggi preassadieđáhusas.

Prošeavtta olis ráhkadit digitála funkšuvnnalaš oahppanbirrasa sámi skuvllaid davvi-, lulli-, julev-, nuortalaš- ja anárašsámegiel lohkan- ja čállinoahpahusa várás.

Lohkanlihkku lea reaidu maid váhnemat ja oahpaheaddjit sáhttet geavahit veahkehettiin mánáid lohkamis ja čállimis.

Dán reaiddu sáhttet maiddái boarráset oahppit, geain leat lohkan- ja čállinhástalusat, geavahit.